綠悠雅苑 Greenview Villa 業主討論區

 找回密碼
 立即註冊
搜索
 距離「綠悠雅苑」關鍵日期:
樓主: Rayland

3座高層的朋友, 請勿在露台BBQ!

[複製鏈接]

56

主題

0

好友

2918

積分

發表於 2017-1-4 11:18:30 |顯示全部樓層
可以BBQ咩??

10

主題

0

好友

234

積分

發表於 2017-1-4 12:35:46 |顯示全部樓層
本帖最後由 timothy_tw 於 2017-1-4 12:49 編輯

法學討論 (唔係幫任何一邊講說話,純粹係法律角度討論)

1. 邊條香港法例禁止露台煮食? 小型石油氣煮食爐(即係gas爐) 本身係有豁免的,係私人地方佢鍾意喺邊度用係佢嘅自由。
2. 邊條香港法例賦予警方權力禁止他人在私人地方進行煮食行為?
3. 若果過咗11點,業主可以引用噪音條例向警方投訴。
4. 有關食物環境衛生嘅問題,一向都屬於食物環境衛生署負責,雖然我都依然係諗唔到可以引用邊一條環境/衛生法例去禁止佢咁做,但事主若要申訴,應該搵啱部門向食環署投訴。報警,係無用的,仲好有可能屬於浪費警力嘅做法。(善意提一提你,報警都冇用,仲會比差佬話返你轉頭)

當然,你可以落去樓下開佢拖,嗌交開片,咁樣就變咗爭執或者毆鬥,咁就可以叫差佬嚟執法。

我想大家理性啲諗,有好多嘢唔係非黑即白,乜Q都話要報警,少少嘢都話要訴諸法律。其實大家係鄰居,睦鄰關係好重要。有好多嘢法律容許但未必做咗就對人無影響;有人就會做咗啲對人有影響嘅嘢亦未必知會擾民。作為左鄰右里,無需要事事都去到咁盡,隔籬鄰舍大家其實可以心平氣和傾下,討論下。唔知邊戶嘅,業主委員會可唔可以例如隔個月搞下居民聯絡活動,等大家有機會可以講一講心聲,互相遷就一下。

呢啲可能就係住樓嘅文化,好冷淡,好大隔膜。小弟係住house長大的,從小鄰里關係十分好,大家有講有笑,守望相助。遇到問題,大家會拎出嚟一齊傾,唔啱就講到啱,傾傾下大家一定會搵到共識的。第一次住樓,真係好唔慣。住咗成年我連隔離屋姓乜我都未知,出入同街坊打個招呼都好似我係有陰謀咁。就係正正有呢一種居住文化,大家先會一開波就話要報警又盛。大家捍衛嘅其實只係自己個500呎,講白啲就係自私。你因為有油煙入侵你個500呎所以話要報警;轉個頭可能燒嘢食個位業主因為要捍衛佢係自己擁有嘅500呎地方煮食嘅權利,佢又話要興訟,咁樣又為乜呢?大家住得係綠悠雅苑,就應該係用成個屋苑嘅利益為大前提出發,而唔係為咗悍衛自己500呎地方而發火。

做得鄰居係一種緣份,乜都要報警上庭,對自己無好處,對成個屋苑都冇好處。希望我呢番說話冇得罪大家,我只係住咗1年之後有感而發。




4

主題

0

好友

780

積分

發表於 2017-1-5 11:09:54 |顯示全部樓層
timothy_tw 發表於 2017-1-4 12:35
法學討論 (唔係幫任何一邊講說話,純粹係法律角度討論)

1. 邊條香港法例禁止露台煮食? 小型石油氣煮食爐 ...

agree

0

主題

0

好友

248

積分

發表於 2017-1-5 22:08:01 |顯示全部樓層
我都算高層 咁得人驚等我留意下

2

主題

0

好友

2230

積分

發表於 2017-1-6 10:56:09 |顯示全部樓層
老老實實, 報警又誇得濟, 但搬一大堆論據出來, 又講鄰里關係似乎又over左.....其實咪又係小事一宗....

其實make sense咁諗, 道理簡單到不得了, 我知露台會為你帶來無窮的創作力同幻想, 的而且確在私人地方係你有你自己應有權利, 但影響到他人就是公德心及公民責任問題, 無需要搞得咁複雜。

難聽D講我唔理你燒野食, 燒衣, 或者燒炭都好, 唔影響到人的話根本唔會有問題
你燒完野食即時幫我洗返機衫, 抹返個露台圍欄, 幫我室內除異味, 我唔介意同你一齊燒野食呢, 買到你成屋都係雞又有咩所謂?

但現在問題係, 燒野食產生o既油煙同味道, 跟據自然定律,係會隨住上升氣流擴散, 因而令到上層鄰居默默忍受, 晾在露台的衣服又要重洗, 食物味道攻入屋又久久不散, 露台圍欄又黏著油清, 然而其他住戶又需要花時間花錢花精神去處理呢o的雞毛蒜皮o既事....有乜為呢?

好喇, 你話就算電爐標榜無煙都好....你用你常識去理解你真係信?你試下燒緊野食o個陣, 搵支電筒逆光照返轉頭, 咪一樣有煙...最初我望出露台, 我以為係煙霞, 我以為係北京的霧霾吹到香港咋! 但奇怪又會帶左陣肉味咁奇怪囉...

好喇..我都唔知點解會打咁大段廢話去講一o的咁common sense o既野
希望睇到o既鄰居們明白啦...
我走喇..我唔想搞大件事

23

主題

0

好友

1035

積分

發表於 2017-1-6 11:50:04 |顯示全部樓層
韓燒 or 真係生火BBQ?? 如果真係生火, 又真係堅危險喎.... 吹到D火屎去隔離屋D衫, 真係好易火警!

1

主題

0

好友

1233

積分

發表於 2017-1-7 02:34:02 |顯示全部樓層
timothy_tw 發表於 2017-1-4 12:35
法學討論 (唔係幫任何一邊講說話,純粹係法律角度討論)

1. 邊條香港法例禁止露台煮食? 小型石油氣煮食爐 ...

好詳細剖析, 但要留意在某些字眼上須要修訂以示尊重其職業.
將心比己, 發揮同理心及公德心, 大家自能和諧無間.

21

主題

0

好友

2994

積分

發表於 2017-1-8 23:45:06 |顯示全部樓層
timothy_tw 發表於 2017-1-4 12:35
法學討論 (唔係幫任何一邊講說話,純粹係法律角度討論)

1. 邊條香港法例禁止露台煮食? 小型石油氣煮食爐 ...

雖然沒一條法例禁止露台BBQ,但氣味擾人理論上是可以告滋擾(nuisance)。可以是私人控告,亦可以是環保署控告。

別忘記十幾年前已有臭豆腐店被控入罪。當然這位鄰居BBQ造成的滋擾程度和頻率是否去到法庭會認為有罪的程度,就很難說。

10

主題

0

好友

234

積分

發表於 2017-1-10 10:22:04 |顯示全部樓層
yun 發表於 2017-1-8 23:45
雖然沒一條法例禁止露台BBQ,但氣味擾人理論上是可以告滋擾(nuisance)。可以是私人控告,亦可以是環保署 ...

閣下引用嘅例子有誤,請容我指正:

1. 當年旺角臭豆腐case 係由環保署引用<<空氣污染管制條例>>控告,該法例只對商業行為作規管,民居並不適用。
2.當年審理案件的是區域審裁處,跟據現行香港法例,審裁處判刑不會亦不能引援作將來案件的案例。(請參考最近旅行車案)
3. 私人檢控在法律上存在,但香港歷史上從來無人成功過。

21

主題

0

好友

2994

積分

發表於 2017-1-12 16:52:12 |顯示全部樓層
timothy_tw 發表於 2017-1-10 10:22
閣下引用嘅例子有誤,請容我指正:

1. 當年旺角臭豆腐case 係由環保署引用控告,該法例只對商業行為作規 ...

謝指教。你指的是區域法院吧。

我說控告不是指刑事檢控,是指民事訴訟。滋擾應該算是侵權。
您需要登錄後才可以回帖 登錄 | 立即註冊

Archiver|綠悠雅苑 Greenview Villa 業主討論區

GMT+8, 2017-2-23 03:42 , Processed in 0.084231 second(s), 17 queries .

Powered by Discuz! X2.5

© 2001-2012 Comsenz Inc.

回頂部